सांगा ना गुरुजी कधी भरेल शाळा ?
दिवसा मागून दिवस चालले
काही काहीच होत नाही
कोरोनाची भीती अजून
थोडीशीही जात नाही
दोन महिन्यांपासून आम्ही
पाहिला नाही फळा,
सांगा ना गुरुजी
कधी भरेल शाळा ? || १||
मोबाईल ,टीव्ही आणि
घर आता नको झाले
शाळेच्या घंटेसाठी
कान माझे आसुसलेले
मैदानात मित्र सारे
होतील कधी गोळा ?
सांगा ना गुरुजी
कधी भरेल शाळा ? || २ ||
बागेतली रोपे आपली
होती छान फुलली
दोन महिने आम्ही
तीही नाही पहिली
फुलवू द्याना आम्हा
चिमुकला मळा
सांगा ना गुरुजी
कधी भरेल शाळा ? || ३ ||
कवितेच्या ओळी
कानी माझ्या येतात
इंग्रजीच्या स्टोरी
ओठांवरती येतात
असेच होते होणार
तर लावला का लळा ?
सांगा ना गुरुजी
कधी भरेल शाळा ? || ४ ||
सुधाकर रामदास पाटील
शाळा - शेलवली बांगर केंद्र-अल्याणी
ता.शहापूर जि. ठाणे मो. 7798963063
No comments:
Post a Comment